D NACHT, WO D TIERLI S ERSCHTMAL HÄND CHÖNE REDE
En alti Saag prichtet, dass alli Tier i de heilige Nacht chönned rede. Der
Erzängel Gabriel göngi amigs zu de Tier i d Schtäll ine und losi sich aa, was
iim d Tierli eso alles z verzelle heiged. Ihm chönnd s all iiri Sorge verzelle,
und si chönned ihm vor allem wenigschtens eimaal im Jaar säge, was sie über d
Mänsche tänked.
S erschte Mal, wo de Gabriel das gmacht hät, isch er in Wienachtsschtall vo
Bethlehem choo - zum Ochs, zum Schaf und zum Esel, wo deete ime Egge gschtande
sind. De Gabriel hät zwar eigentlich gar a kä Ziit ghaa - er isch ziemlich im
Schuss gsii. Er isch vorher grad no bi de Hirte uf em Fäld gsii, zum ene die
frohi Botschaft z verchünde, dass iiren Heiland gebore seigi und dass si selled
em Schtern naalaufe, sie werded en dänn ganz sicher finde! ....
Wie es weitergeht, erfahren Sie im Buch!
www.godybodmer.info